I ftuar mbrëmjen e sotme në “Xing me Ermalin”, kryeministri Rama bëri 5 kërkesa për popullin. Kërkesa e parë e kryeministrit është: Kujdesu për të vërtetën. Mundohu me pak vëmendje të kuptosh nëse ajo që të thonë është e vërtet apo gënjeshtër.
Kujdesu për porositë e babit. Domethënë ato porositë bazike të prindit të mos harrohen.
E treta kudjesu për gjuhën e nënës. Gjuha shqipe është pasuria jonë më e madhe, na bën ne ata që jemi dhe kur e shoh sesi gjuha shqipe po rrezikon të gjymtohet them që çdokush duhet të kujdeset se është gjuha e nënës.
E katërta kujdesu që edhe fqinjit t’i shkojë mbarë. Sepse kur e ke fqinjin keq herët apo vonë do e thyejë ndonjë xham.
E fundit kujdesu për atdheun e fëmijëve të tu. Një shprehje thotë: Atdheun ja kemi borxh fëmijëve tanë. Çfarë bëjmë ne sot, mund t’i kushtojë shumë shtrenjtë fëmijëve tanë ose mund të jetë mbarësi për ta.