Ministria e Arsimit ka shpallur sot datat e provimeve për Maturën Shtetërore të vitit 2019.
Sipas Ministrisë, provimet për maturantët do të nisin nga data 7 qershor, ku do të zhvillohet provimi i Gjuhës së Huaj, duke vijuar më 12 qershor datë kur do të zhvillohet provimi për Gjuhën Shqipe. Ndërkohë, më17 qershor do të zhvillohet provimi i Matematikës.
Ministria ka parashikuar që provimi i fundit, ai i lëndëve me zgjedhje të zhvillohet në datën 22 qershor, provim i cili do të përmbyllë ciklin e provimeve të Maturës.
Provimi do të zgjasë 2 orë e 30 minuta ndërsa maturantëve që duan vlerësim me notë makismale duhet të arrijnë kuotën e 60 pikëve.
Ato maturantë/kandidatë që do të rezultojnë mbetës në provimet e Maturës Shtetërore 2019, do t’i rijapin provimet në sesionin e dytë.
Së fundmi, bëhet me dije se institucionet arsimore vendore, përgjegjëse për arsimin parauniversitar, do të marrin nga shkolla listat e maturantëve mbetës të vitit shkollor 2018-2019 dhe brenda datës 5 qershor 2019, t’i pasqyrojnë ato në sistemin elektronik Matura online, sipas udhëzimit që paraqitet mëposhtë. Lista e maturantëve mbetës më pas do të dërgohen në QSHA, në format të printuar dhe elektronik.
/tirananews.al