Kreu i grupit parlamentar të PS-së, Taulant Balla ka inspektuar nga afër aksin rrugor Elbasan-Qafë Thanë.
I shoqëruar nga Drejtori i Përgjithshëm i ARRSH-së, Afrim Qendro, Drejtorin e Përgjithshëm të Emergjencave Civile, Haki Çako dhe Prefekti i Elbasanit, Balla ka mbledhur shtabin e emergjencës në vendin intensiteti i reshjeve të dëborës ka qënë më i lartë ditën e sotme.
“Jemi këtu në Qafë-Thanë ku është edhe niveli më i lartë i reshjeve të dëborës. Në aksin rrugor nga Elbasani deri në Qafë Thanë e më pas në kapshticë vazhdon të ketë reshje me intensitet të lartë. Po punohet për mbajtjen hapur të rrugëve”, deklaron Balla.
Reshjet e dëborës gjatë ditës së sotme ka zbritur edhe në zonat e ulëta. Borë ka rënë edhe në Elbasan, Shkodër e Gjirokastër si dhe janë rikthyer në Korçë, Kukës dhe Dibër ku raportohen disa fshatra të bllokuara.