Protesta e studentëve vazhdon dhe një pjesë e tyre janë ngujuar brenda fakultetit Juridik në Tiranë. Ata kanë bllokuar hollin dhe derën e jashtme, ndersa shprehen të vendosur të qëndrojnë deri të dielën brenda fakultetit.
Studentët u shprehën se do të vijojnë ngujimin deri në fundjavë. Ata kanë bërë të ditur se ngujimi i tyre do të jetë deri të dielën, ndërsa pas kësaj ata do të thërrasin një protestë mbarëkombëtare në mbështetje të tyre.
“Numri i studentëve është më i madh se dje. Shumë studentë kanë hyrë nga dritarja dhe janë futur brenda. Janë mbyllur me karrige të gjitha dyert e sallave të leksioneve dhe seminareve janë të bllokuar. Ata kanë deklaruar se do të kenë një vide konferencë”, tha Skëndaj.
Teksa qëndrojnë të ngujuar, ata kanë njoftuar gjithashtu se do të kenë edhe një komunikim për mediat.
Studentët sqaruan se do të vijojnë qëndresën deri në përmbushjen e kërkesave të tyre.
Ndërkohë, ditën e sotme studentë të fakultetit të Drejtësisë në Tiranë, në bashkëpunim me studentë të fakultetit të grupeve të ndryshme u vendos paraqitja e kërkesave pranë dekanatit.
Kerkesat vijojnë si më poshtë:
1- shtyrja e sezonit dhe procesit mesimor deri ne dhenien e nje pergjigje perfundimtare.
2- shtyrja e afatit te pagimit te tarifave dhe shtyrja e procedurave per marrjen e bursave deri ne dhenien e nje pergjigje perfundimtare
3- nisja e nje plan veprimi nga dekanati, per plotesimin e kerkesave qe varen drejtperdrejt nga ai.
4- mospenalizimi i studenteve apo marrja e masave ndaj tyre, deri ne perfundimin e bojkotit.