Kontrollorët ajrorë kanë reaguar pas gjithë situatës së krijuar në Rinas duke u shprehur se ata nuk kanë braktisur punën pasi janë në vendin e punës por nuk po ushtrojnë detyrën.
“Vazhdojmë ta përsërisim, nuk është çështja ulja e pagës, ajo që është arsyeja kryesore është pushimi i proceurave operacionalem kanë të bëjnë me sigurinë që ky kontrollor ushtron. Në këtë rat kontrolli merr përsipër indivudalisht penalisht në rastin e një incidenti. Nuk jemi në kushtet e braktisjes së punës, por nuk ushtrojmë funksionin. Nuk është braktisje unë po shkoj në punë”, tha përfaqësuesi i tyre.
Sipas tyre nuk është çështje politike dhe nuk ka hapësira ligjore për të ndjekur çështje penale.
Ata u shprehën më tej se janë në pritje të një zgjidhje konsensuale. “Kontrata e punës është një e drejtë që nuk mund të cënoht në mënyrë të njëanshme”, u shpreh ai.