Vetëm 8 orë pas publikimit të këngës “Yalla Habibi”, Luana Vjollca dhe Faydee ia dalin të arrijnë 1 milionë klikime, duke thyer kështu një rekord. Ky lajm është pritur mirë jo vetëm nga dy këngëtarët, por edhe nga mbështetësit më të mëdhenj, si fansa, familjarë apo miq, të cilët nuk kanë hezituar të shprehin dashamirësinë.
Luana ka publikuar disa video në ‘Instastory’, ku shfaqet së bashku me Marinën dhe Getoarin, duke festuar në orët e vona të natës për arritjen e saj. Siç mund ta mendoni, nuk kanë munguar as pijet alkoolike apo kërcimet me njëri-tjetrin.
Nga ana tjetër, edhe Faydee duket se është emocionuar nga ky lajm duke qenë se dhe ai ka publikuar një foto të këngës duke shkruar “1 milion”. Kujtojmë se ky është bashkëpunimi i parë i Luanës me një këngëtar me famë ndërkombëtare, gjë që me siguri do të hapë dyert edhe për të.
