E ftuar në emisionin e Blendi Fevziut kryetarja e Lëvizjes Socialiste për Integrim Monika Kryemadhi deklaroi se së shpejti do të publikohet një denoncim i fortë. Ajo nuk tha se për çfarë bëhet fjalë, por i sugjeroi Fevziut të mos pranonte ndërhyrje për bllokimin e këtij denoncimi.
Pjesë nga biseda:
Monika Kryemadhi: Shumë shpejt brenda dy ditësh do të keni një denoncim të fortë nga Monika Kryemadhi se si Rama e manipuloi skemën ‘kingmaker’ dhe ndërhyri. Kjo 184 dhe 339 nuk janë asgjë. Patjetër zoti Fevziu, dhe pastaj do të më kërkoni në “Opinion” aty
Blendi Fevziu: Po, po, po që tani po ta bëj kërkesën. Por jemi që jemi LIVE, pse s’e thoni këtë
Monika Kryemadhi: Jo, sot i dedikohemi marrëveshjes. Pastaj do ta marrin vesh se kush janë fytyrat ëngjëllore.
Blendi Fevziu: Ta llogaris të mërkurën, të bëj emision.
Monika Kryemadhi: Se mos të merr njeri nga qeveria e të thotë mos e nxirr në emision.
Blendi Fevziu: Po pse ty të ka ndodhur ndonjëherë.
Monika Kryemadhi: Jo, jo me ty kurrë, je i vetmi që jep hapësira dhe bravo të qoftë.