Media britanike “The Spectator”, shkruan për fuqizimin e mafias shqiptare, ku e cilëson si më të fuqishmen në kontinent. Sipas tyre pikat më të sukseshme të gangsterëve shqiptarë janë disiplina, besueshmëria dhe profesionalizimi.
Gazetarja Anduena Llabania tha se instalimi i DEA në Shqipëri tregojnë konstatimet e mediave ndërkombëtare. Ajo u shpreh se bandat shqiptare sot janë shumë më tepër aktive aktive seç kemi dëgjuar.
“Paratë që kanë xhiruar shqiptarët nga këto fitime janë të frikshme. Më shumë se 2 mld euro që investohet tek bandat shqiptare tregon fuqinë që kanë bandat shqiptare në krahasim me ato ruse ose atë tjera. Fakti që shqiptarët krijojnë edhe në Belgjikë dhe në Spanjë para që lëviz falë këtij trafiku për këto shtete është problem”, tha Llabani.
“Mafia shqiptare ka krijuar rrjete trafikimi në të gjithë Afrikën e Veriut, nga Maroku në Libi, si dhe në Ballkan, duke kontrolluar rrugët e migrimit dhe kampet e tranzitit. Vitet e fundit, ata janë shtyrë në veri të Francës, prandaj numri i anijeve të vogla në të gjithë Kanalin u rrit që nga viti 2018. Megjithëse shqiptarët organizojnë rrjetet, zakonisht janë bandat kurde, siriane dhe marokene që janë të pranishme në plazhe”,-thuhet në shkrimin e “The Spectator”.