Këtë të martë, Gjykata e Stasburgut ka dhënë vendimin për Aleks Nikën, duke dalë në përfundimin se ka dy shkelje në këtë çështje: vrasja dhe më pas moszbardhja e vrasjes! Këto janë shkelje të dy aspekteve të së drejtës së jetës, thuhet në vendimin e Gjykatës Europiane për të Drejtat e Njeriut.
Në vendimin e Gjykatës së Strasburgut thuhet se ‘ligji i kohë dhe plani masave të Gardës ishin me shkelje që nuk garantonin jetën, pra shteti ka përgjegjëis për vrasjen”. Gjithashtu edhe mos zbardhja e ngjarjes është në shkelje. Sa i takon hetimeve, në vendimin e Gjykatës së Strasburgut thuhet se ”hetimi duhet të bëhet dhe të dënohet fajtori kushdo qoftë, si dhe duhet kontrolluar ligji i ri për armët, nëse përmbush standardet”.
Aleks Nika mbeti i vrarë në protestën e 21 janarit 2011 në bulevardin “Dëshmorët e Kombit”, bashkë me 3 protestues të tjerë. Familjarët e Nikës dërguan padi në Gjykatën Europiane për të Drejtat e Njeriut.