Viti 2024 ka nisur me aksidente tragjike. Tre aksidente me vdekje kanë ndodhur në Tiranë katër ditët e fundit, ku humbi jetën edhe një fëmijë vetëm 4 vjeç. Përplasja e 4-vjeçarit ndodhi më 6 janar, ndërsa ai është përplasur me makinë bashkë me babanë e tij në rrugën “Tiranë-Fushë Krujë”. Policia njofton se ka arrestuar drejtuesin e mjetit Erjon Skënderi, 38-vjeç.
Në pranga ka rënë edhe 23-vjeçari Aris Berberi, i cili po më datë 6 janar përplasi për vdekje një 60-vjeçar në afërsi të TEG-ut.
Një tjetër aksident me vdekje ka ndodhur në rrugën “Ali Shefqeti” në Tiranë, ku 21-vjeçari Erlis Beqja ka përplasur për vdekje një këmbësore, L. Gj., 60 vjeçe. I riu është vënë në pranga.