Një 41-vjeçar nga Saranda është arrestuar në kushtet e flagrancës nga Policia, pasi ka tentuar të hyjë me forcë në ambientet e Komisariatit. Ai ka kundërshtuar efektivët, ndërsa arsyeja përse ka tentuar të futet në Komisariat nuk dihet.
“Specialistët për Hetimin e Krimeve të Komisariatit të Policisë Sarandë arrestuan në flagrancë shtetasin A. N., 41 vjeç, banues në Sarandë, pasi ka tentuar të hyjë me forcë në ambientet e Komisariatit të Policisë Sarandë dhe ka kundërshtuar punonjësin e këtij komisariati”, njofton Policia.
Po ashtu, strukturat e Komisariatit të Sarandës kanë shpallur në kërkim një 17 vjeçar, pasi ditën e djeshme në fshatin Berdenesh, ka kanosur për shkak të detyrës, shtetasin E. M., me detyrë përmbarues dhe shtetasen E. K., avokate, të cilët kishin shkruar për të ekzekutuar vendimin e Gjykatës, për prishjen e një objekti.
Edhe 10 familjarë të të riut janë proceduar penalisht, sepse nuk iu janë bindur urdhrave të punonjësve të Policisë që kanë qenë në mbështetje të përmbaruesit, për zbatimin e vendimit të Gjykatës.