Njësitë Vendore të Kujdesit Shëndetësor Mat, Dibër e Bulqizë bëjnë me dije se strukturat e këtyre drejtorive kanë vijuar normalisht proçesin e vaksinimit edhe gjatë fundjavës.
Sipas zyrtarëve të NJVKSH sot kanë përfunduar vaksinimin i 44 mijë banorë të këtij qarku dhe puna po vijon me intensitet.
“Njësia Vendore e Kujdesit Shëndetësor Dibër, në bashkëpunim të ngushtë me Qendrat Shëndetësore, do të jetë në lartësinë e detyrës deri në fund, me qëllimin e vetëm që asnjë qytetar i saj të mos ngelet pa u vaksinuar”, tha drejtori i NJVKSH Dibër Hasan Manja.
Drejtoritë njoftuan banorët e këtij rajoni se me 29 dhe 30 qershor fillon vaksinimi masiv për moshat mbi 18 vjeç.