Kjo foto tregon tre të rinj të buzëqeshur në një pijetore, por 45 minuta më vonë, dy prej tyre gjetën vdekjen. Lewis Moghul, 22 vjeç, u zbulua se kishte më shumë se trefishi i kufirit ligjor të alkoolit kur ai u përplas me BMW 225D MSport të tij të kuqe, duke vrarë veten dhe pasagjerin e tij 19-vjeçar Sammy Phillips.
Një dëshmitar e përshkroi makinën si duke udhëtuar me shpejtësi “të çmendur” para se të dilte nga rruga dhe të përplasej me pemët në Oxfordshire në shkurt të vitit të kaluar.
Sipas analizave të reja të BBC-së, të rinjtë kanë katër herë më shumë gjasa se shoferët e tjerë të dënohen për drejtim të rrezikshëm ose të pakujdesshëm.
Të dhënat e Agjencisë së Licencimit të Shoferëve dhe Automjeteve (DVLA) për Mbretërinë e Bashkuar gjithashtu zbulojnë se burrat nën moshën 25 vjeç kanë katër herë më shumë gjasa të kapen duke drejtuar mjetin nën efektin e drogës dhe dy herë më shumë të ngjarë të kapen duke vozitur në gjendje të dehur.
Vëllai më i madh i Sammy, Jamie Morris, 25 vjeç, i tha BBC-së se kishte frikë se kombinimi i të rinjve dhe makinave ishte “vdekjeprurëse”.
Vdekja e miqve të tij ishte “sikur bota të ndalonte”, tha John, i cili shpjegoi se që atëherë ka hequr dorë nga përdorimi i makinës, duke shitur mjetin e tij BMW dhe motoçikletën.