Shtohen rastet e dhunës këtë fundjavë në Tiranë, ku vetëm brenda 24-orëve të sotme janë identifikuar 7 të tilla që kanë degjeneruar në përleshje me sende të forta mes personave.
Policia njofton se në rrugën “Sotir Caci”, persona ende të paidentifikuar kanë goditur me sende të forta, shtetasin M. P., 39 vjeç, i cili ndodhet në spital, jashtë rrezikut për jetën.
Në rrugën “Anton Lufi”, gjatë një konflikti, persona ende të paidentifikuar kanë goditur me grushte shtetasin J. K., 26 vjeç.
Në një zonë tjetër të Tiranës, shtetasit J. B., 25 vjeç dhe S. S., 24 vjeç, për motive të dobëta kanë goditur me grushte shtetasin E. P.;
Po ashtu, ka nisur procedimi penal për shtetasin A. S., 29 vjeç, pasi për motive të dobëta ka goditur shtetasen D. T.
Policia e komisariatit nr.1 në Tiranë shpallën në kërkim shtetasin A. P., 51 vjeç, pasi dyshohet se ka kanosur një 22-vjeçar;
Kurse të shtunën, në rrugën “28 Nëntori” në Tiranë, shtetasit Xh. Gj., 30 vjeç dhe A. P., 31 vjeç, për motive të dobëta, janë konfliktuar fizikisht me njëri-tjetrin.
Një tjetër rast dhune fizike u regjistrua nga komisariati i Policisë Nr. 3 ku u arrestuan shtetasi F. S., 34 vjeç, pasi për motive të dobëta ka kanosur familjen e komshies së tij dhe më pas ka ushtruar dhunë ndaj vëllait të tij.