Shtatë persona humbën jetën dhe 31 të tjerë u plagosën si pasojë e sulmeve intensive të ushtrisë ruse mbi qytetin Vilniansk, në rajonin Zaporizhia të Ukrainës.
Shërbimi Shtetëror i Situatave të Emergjencave të Ukrainës njoftoi se në mesin e viktimave janë 2 fëmijë, ndërsa në mesin e të plagosurve përfshihen 8 të mitur, por raportohet se kërkimet nuk kanë pëfunduar.
Putin pritet të takohet me presidentin kinez Xi Jiping në samitin e Organizatës së Bashkëpunimit të Shangait, i cili do të mbahet në Astana në Kazakistan, me praninë e liderëve të 24 shteteve anëtare.
Ndërsa Papa Françesku ka përsëritur thirrjet për paqe dhe dialog, teksa kujtoi luftërat aktive në botë.
“Në këtë ditë të fundit të qershorit, i lutemi Jezusit që të prekë zemrat e atyre që duan luftë, në mënyrë që ata t’I kthehen dialogut dhe paqes. Le të mos harrojmë Ukrainën e munduar, Palestinën, Izraelin, Mianmarin dhe shumë të tjerë, vende që vuajnë shumë për shkak të luftës”, tha ai gjatë meshës në sheshin Shën Pjetër, këtë të diel.
![](https://tirananews.al/wp-content/uploads/2024/06/1111111111111111111-1024x512.png)
Ndërsa Rusia vazhdon sulmet ndaj civilëve ukrainas, reperi Kanye West, një admirues i deklaruar i presidentit Vladimir Putinit, pritet të mbajë një koncert në Moskë, më 8 korrik të këtij viti. Lajmi është konfirmuar nga producentja e njohur ruse Yana Rudkovskaya.