Më 9 shtator të 2011 vrasja makabre e gjyqtarit Skerdilajd Konomi në Vlorë tronditi mbarë opinionin publik.
Ende sot, pas nëntë vitesh ngjarja ka mbetur pa autor, dhe ajo që sjellë në vëmendje historinë është gazetarja e kronikës e Top Channel, Anila Hoxha.
“Mos harroni !
Tete vjet nga vrasja e tmerrshme e gjyqtarit Skerdilajd Konomi.
Mafia ja doli mbane si perhere, te varrose jo vetem gjyqtarin , por edhe dosjen e tij.
Asnje emer.
Asnje i dyshuar.
Asnje piste”, shkruan ajo në profilin e saj në Facebook.
HISTORIA
Skerdilajd Konomi, gjykatës i rrethit gjyqësor Vlorë, u ekzekutua në Vlorë gjatë një atentati të tipit mafioz në 9 shtator 2011. Makina e tij shpërtheu nga një eksploziv i telekomanduar, ndërsa gjyqtari ishte në timon në bulevardin Vlorë-Skelë. Gjykatësi Konomi, 33 vjeç, baba i dy fëmijëve, gjeti vdekjen e menjëhershme, ndërsa krimi shkaktoi një tronditje të fortë në publik, për ashpërsinë e ekzekutimit, si dhe mesazhi që u përçua nga krimi. Prokuroria e Krimeve të Rënda mori menjëherë në dorë hetimet dhe ndonëse kanë kaluar 9 vite, ende dosja vijon të mbetet pa autor. Një nga pistat kryesore të vrasjes së Konomit, mbetet çështja e pronave që paraardhësit e 33- vjeçarit zotëronin në Hamallaj të Durrësit.