Pas humbjes fatale të zgjedhjeve lokale të 30 qershorit, kreu i Partisë Demokratike Lulzim Basha njoftoi se do të rikthehen protestat e opozitës në kryeqytet.
Në protestat e kaluara ishte administrata e bashkive të djathta, kryesisht Kamza, Shkodra, Lezha, Kukësi, Mati, Vora, Klosi që ndiqnin opozitën në Tiranë. Të urdhëruar nga kryebashkiakët dhe drejtorët lokal të bashkise punonjësit ishin të detyruar të zgjidhnin pjesmarrjen në protesta në vend të largimit nga puna.
Kryetarët aktual të bashkive të djathta i kanë humbur postet që mbanin. Në këto rrethana punonjësit e administratës janë në dilemë: Të ndjekin humbësit e zgjedhjeve apo të mendojnë për të ardhmen e tyre, për të punuar edhe me kryetarët e rinj. Ditë më parë Departamenti i Administratës Publike ka provuar se punonjës të bashkive me status të nëpunësit civil duhet të largohen nga puna sepse kanë protestuar në orarin e punës, madje kanë dëmtuar materialet zgjedhore. /tirananews.al/