Një grup hulumtuesish nga Universiteti Shtetëror i Uashingtonit në Vancouver dhe nga Universiteti Shtetëror i Floridës arriten në përfundimin se duke u shpjeguar fëmijëve përfitimet e ngrënies së ushqimeve të shëndëtshme do të rrisni konsumin e tyre.
E rëndësishme sipas tyre është të përdoren shprehje që janë më të kuptueshme për ta, të tilla si: “Nëse hani thjerrëza, ju do të rriteni më mirë dhe do të jeni në gjendje të vraponi më shpejt”.
Kjo qasje do të ishte më e suksesshme se paraqitja e një ushqimi pa përshkruar vetitë e tij të dobishme.
Ushqyerja e fëmijëve mes moshës 3-5 vjeçare
Studimi u zhvillua në 87 fëmijë dhe të gjithë shprehën kënaqësinë e tyre me 4 ushqime të shëndetshme:
- speca jeshile
- domate
- kuinoa
- thjerrëzat
Për 6 javë shkencëtarët u ofruan atyre dy ushqime që ata i pëlqyen, të paktën dy herë në javë, ndërsa dy të tjerët u paraqitën ndryshe:
- i pari i shoqëruar nga një përshkrim i përfitimeve që do t’u jepte nëse e hanin;
- i dyti është shërbyer pa dhënë informacion shtesë.
Analiza e rezultateve në 3 hapa
Nga analiza e rezultateve doli se:
- Në fazën menjëherë pas përfundimit të testit nuk ka pasur përparim, ndoshta “sepse fëmijët ishin të lodhur duke ngrënë gjithmonë të njëjtat ushqime”;
- Në muajin e ardhshëm është vërejtur një ndryshim në sjellje, sepse fëmijët hëngrën dy herë ushqimin që shoqërohej nga fjalë pozitive në krahasim me atë që ishte paraqitur pa informacion shtesë.
Arsyeja kryesore për këtë rritje të konsumit varej nga fakti se fëmijët kanë qenë në gjendje të “asimilojnë” avantazhet që lidhen me konsumimin e ushqimeve të shëndetshme. Siç është raportuar nga Dr. Jane Lanigal, kreu i studimit: “Çdo fëmijë dëshiron të jetë më i madh, më i shpejtë dhe të jetë në gjendje të hidhet më lart. Përdorimi i këtyre shembujve e bën ushqimin më të shijshëm”.
Zakonet e shëndetshme të ushqimit konsumohen kryesisht në familje, që përfaqëson modelin kryesor të edukimit të referencës në sektorin e ushqimit, veçanërisht në fëmijëri dhe adoleshencë./pernenat.al