Rozana Radi njihet si një nga personazhet më me humor në ekran, megjithatë shpesh ajo nuk ka ngurruar të tregojë dhe një anë tjetër të saj. Këngëtarja ka zbuluar herë pas here se i është dashur t’i bëjë ballë shumë gjërave e vetme,duke treguar një forcë shumë të madhe.
Së fundmi në një postim të bërë në ‘Instagram’, ajo ka zgjedhur të tregojë cfarë ka kaluar dhe nga cfarë ka vendosur të heqë dorë. “Kam larguar nga jeta ime të gjithë njerëzit që në një mënyrë ose në tjetrën, më kanë bërë keq. Shumë nga këta njerëz i doja shumë, të tjerë I dua akoma. Por më kanë lodhur gjembat. Tani dua trëndafilat”,- ka shkruar Radi krahas fotos së saj, e cila është pëlqyer nga shumë fansa të saj.
Kujtojmë se kjo nuk është hera e parë që Rozana zgjedh të shfaqë këtë anë të sajën dhe të tregohet tepër e sinqertë me ndjekësit dhe të gjithë miqtë e saj. Në dalje të ndryshme publike, ajo ka folur herë pas here për vështirësitë që ka hasur e vetme, por që ja ka dalë mbanë gjithsesi.
