Dhurata Cupi, deputete e Partisë Demokratike për Qarkun e Dibrës shprehet se për shkak të reshjeve të dëborës shumë rrugë rurale rezultojnë të bllokuara. Sakaq kjo tregon kujdesin e pakët të bashkive Bulqizë, Mat e Klos. Ajo shprehet se njësia administrative Macukull, në bashkinë e Matit, është gati e bllokuar. “Po ashtu në Bashkinë e Bulqizës qarkullimi i mjeteve në rrugë kryhet me zinxhirë dhe në rrugët që të cojnë në 6 njësitë administrative, në Martanesh, Fushë-Bulqizë, Shupenzë, Zerqan, Gjoricë dhe Ostren janë të pakalueshme. Fshatrat Gjon, Val e Peshk janë bllokuar”, shkruan Cupi. Në Zerqan janë bllokuar fshatrat Ternovë e Vogël, Tërnovë e Madhe dhe Smollik. Ndërkohë në njësinë administrative Shupenzë janë izoluar fshatrat Gjuras, Shtushaj, Mazhicë, Zogjë, Bllacë e Kovashicë. Situata krijuar duket se i ka gjetur të papërgatitura bashkitë e Qarkut të Dibrës pasi në asnjë rrugë rurale nuk ka mjete dhe fuqi punëtore për të mundësuar lëvizjen e makinave.
Add A Comment