Kremi i limonit është një nga recetat më të dashura të këtij sezoni për shkak të freskisë së tij dhe shijes së mrekullueshme që ofron. Por ja si ta përgatisni vetë në shtëpi lehtë dhe shpejtë.
Përbërësit:
4 limona, 2 vezë të plota+ 2 verdhat e vezës, 110 gr gjalp, 450 gr sheqër.
Përgatitja:
Përpara se të fillojmë përgatitjen e kremit të limonit,
-Grijmë në rende lëkurat e limonit dhe shtrydhim lëngun e tyre.
-Rrahim lehtësisht vezët në enë të vogël
-Shkrijmë në zjarr të ulët gjalpin të prerë në copa të vogla me sheqerin derisa ky i fundit të jetë shkrirë plotësisht
-Shtojmë vezet dhe vazhdojmë përzierjen me lugë druri derisa përberja të bëhet kremoze, por kujdes nuk duhet të shkojë në vlim
-Shtojmë lëngun e limonit dhe lëkuren e tij, e lejmë në këtë mënyrë në zjarr të ulët për 5-10 minuta derisa kremi të trashet.
-E hedhim në kavanoza qelqi dhe e lejmë të ftohet në temperaturë ambjenti
-E vendosim në frigorifer një natë përpara se ta përdorim.