Prefekti i Qarkut Dibër Nexhbedin Shehu zhvilloi sot një takim me drejtuesit e pyjeve, mjedisit dhe bujqësisë në bashkitë Mat e Klos.
Ai dhe specialistët e pyjeve e vunë theksin në rritjen e gatishmërisë për të parandaluar zjarret në masivet pyjore si dhe ndaljen e prerjeve të paligjshme.
Më problematike situata paraqitet në pyjet e rrethit Bulqizës. Mësohet se pyjet e larta të kësaj zone shfrytëzohen jo vetëm për dru zjarri por edhe për galeritë e minierave. Gjendja mund të përmirësohet duke detyruar firmat minerare të mos marrin shtylla pa dokumenta.
Prefekti Shehu këmbënguli që institucionet dhe bashkitë të rrisin bashkëpunimin për të patur rezultate më të mira në menaxhimin e pyjeve në rajonin e Dibrës. /tirananews.al/