Banorët e një fshati në Francë kanë arritur deri aty sa të padisin një gjel ngaqë këndonte herët në mëngjes.
Gjeli me emrin Moris ka marrë shumë vëmendje në media. Kjo, pasi bëhet fjalë për një çështje që simbolizon ndarjen mes komunitetit urban dhe atij rural.
Çifti i të moshuarve që e ka hedhur në gjyq, ka treguar se gjeli shkakton ndotje akustike.
Pronarja e gjelit, Corinne Fesseau, tha për CNN se ankesat për gjelin nga fqinjët e saj në Oleron nisën në prill të vitit 2017.
“Jetoj këtu prej 35 vitesh dhe kurrë gjeli nuk ka shqetësuar njeri.
Unë shpresoj që këta njerëz që kanë ngritur padinë të kuptojnë se çfarë do të thotë jeta në fshat”, u shpreh pronarja e gjelit.
Vendimi i gjykatës pritet të shpallet në datën 5 shtator të këtij viti.