Pas shumë reagimeve në lidhje me refuzimin e dekretimit të Gent Cakajt si Ministër i Jashtëm i vendit, reagoi presidenti Ilir Meta.
Në një status në Twitter ai shkroi: #Pavarësia, integriteti territorial i #Kosovës dhe vendimi i Gjykatës Ndërkombëtare të Drejtësisë @CIJ_ICJ janë të #padiskutueshme për Republikën e #Shqipërisë deri në sekondën e fundit si #President i vendit tim.
Presidenti Ilir Meta refuzoi të dekretojë propozimin e kryeministrit Edi Rama. Në arsyetimin e tij, Meta theksoise Cakaj ka aplikuar për certifikatë sigurie pranë Ministrisë vetëm më datë 03.01.2019, edhe pse përmbushja e këtij detyrimi fillon nga marrja e detyrës si Zëvendës Ministër i MEPJ.
“Sipas konfirmimit shkresor të MEPJ dhe DSIK, z. Gent Cakaj ka plotësuar formularin e aplikimit vetëm më datë 03 janar 2019 (3 ditë pas firmosjes së propozimit për dekretim si Ministër të MEPJ).”-thuhet në arsyestimin e kreut të shtetit.