Margarina kohët e fundit po konsumohet pa masë nga fëmijët dhe të rriturit, por edhe efektet anësore janë po në nivele të larta.
Janë kryer shumë hulumtime rreth përdorimit të margarinës, pasojat që sjell dhe sa e shëndetshme është ajo.
Sipas studimeve të fundit të zhvilluara nga shkencëtarët e Fakultetit të Mjekësisë në universitetin ”Dokuz Eylul”, në qytetin perëndimor të Turqisë, Izmir, Margarina nxit depresionin, ankthin, hiperaktivitetin dhe nervozizmin tek fëmijët dhe të rriturit, ndërsa gjalpi ndikon pozitivisht në procesin e të mësuarit.
Nazan Uysal Harzadın nga Fakulteti i Fiziologjisë, në një prononcim për shtypin dha detaje lidhur me studimin e zhvilluar tek minjtë.
Harzadın theksoi se si rezultat i punimit shkencor, kanë vërejtur se në rastet kur kanë përdorur vaj luledielli, kanë konkluduar se niveli i depresioni dhe ankthit është më i lartë.
“Kur i vendosnim kafshët në mekanizëm, nuk mundnin të vendosnin se ku të shkonin. Kështu që mendojmë se vaji i lulediellit ndikon negativisht në konteksin prefrontal, pra pjesën për vendimmarrje të trurit”, ka thënë Harzadin.
Harzadin duke folur për hulumtimin e bërë me margarinën, tha se në këtë kategori rezultatet janë “dëshpëruese”. “Simptomat e depresionit ishin më të larta tek ky grup”, tha Harzadin.
Sipas saj rezultatet më të mira gjatë hulumtimit i kanë marrë në testimet me gjalpin dhe vajin e ullirit. Ajo e klasifikoi këtë rezultat si mrekulli. “Ata që ushqehen me gjalp kanë një nivel të ulët të ankthit, nuk kanë depresion dhe niveli i të mësuarit është tejet pozitiv.
Gjithashtu, niveli i ankthit tek kafshët që konsumojnë vaj ulliri është tejet i ulët. Këto kafshë ishin të rehatuara dhe të relaksuara dhe kapaciteti i të mësuarit ishte më i lartë tek ato” është shprehur studiuesja.
Ajo shtoi se në ushqim duhet të preferohet gjalpi dhe vaj ulliri ekstra të virgjër.
Përfundime të tilla mbështeten edhe nga një tjetër studim i kryer në Universitetin e Kalifornisë në 945 fëmijë, ku thuhet se:- “Yndyrat transyndyrore në margarinë dhe në format e ndryshme të ushqimit të shpejtë nxisin sjelljen agresive dhe për këtë arsye nuk duhet t’u jepen fëmijëve. Ata që hanë më shumë acide transyndyrore vazhdimisht janë më agresiv, nervozë dhe hiperaktivë se sa të tjerët.”