Sekretari i përgjithshëm i PS Taulant Balla ka fomur mbrëmjen e sotme për shkarkimin e presidentit Meta dhe zëvendësuesin e tij sapo të krijohet vankanca.
I ftuar në emisionin ‘Përballë’ të gazetarit Lutfi Dervishi, Balla tha se sapo të krijohet vakanca pas largimit të Metës, do të ketë një proces në respekt të Kushtetutës për një president të të gjithë shqiptarëve, ndërsa pohoi se deri tani nuk ka asnjë emër.
“Kryetar shteti do jetë ai që zbaton Kushtetutën.
Unë po them dhe kam thënë sa herë që më është dhënë mundësia që Ilir Meta ka humbur të drejtën të jetë presidenti i shqiptarëve. Me një sjellje të papranueshme dhe një dëm ndaj imazhit të Shqipërisë me akuza e qenë e mace që nuk i bëjnë aspak nder presidentit të shqiptarëve.
Në momentin që do krijohet vakanca, do ketë një proces me respekt të plotë të Kushtetutës për një president të të gjithë shqiptarëve”, tha Balla.Në këtë mënyrë Balla shuan dilemat se mund të jetë një person politik sikurse mund të ishte Fatos Nano apo Jozefina Topalli.