Në një status në rrjetet sociale, Dalëndyshe Bici ka sqaruar ish-kryeministrin Sali Berisha për denoncimin e bërë nga ky i fundit për faktin se ka plasur një tritol në makinën e IKMT-së.
Kryeinspektorja e IKMT-së, Dallëndyshe Bici, i është përgjigjur ish-kryeministrit Sali Berisha pasi ky i fundit bëri një denoncim në rrjetet sociale për shpërthimin e një tritoli.
Në një status në rrjetet sociale, teksa ka publikuar fotos e denoncimit të bërë nga ish-kryeministri Berisha, Bici shkruan se këtë të fundit e ka marrë dalldia.
Ajo shton më tej se nuk ja uron askujt që të katandiset si Berisha dhe se po e sqaron se materiali plasës nuk mbahet në makina si çantë dore, asnjë makinë e IKMT nuk vepron pa urdhër dhe natën dhe se materiali plasës nuk plas vetë, vetëm për shkak të moshës që ka ish-kryeministri.
Statusi i Bicit:
Ish Kryeminister! Z. Ish President! Z. Ish kryetar i PD!
Po reagojme vetem ne respekt te
moshes suaj, me trishtimin e thelle qe ka persona anonime ne kete vend qe
guxojne dhe bejne shaka (nuk perdorim dot fjalen “tallen”) me njerez te moshuar
si Ju. E dime qe nuk ju duhen sqarimet dhe te vertetat, sepse do u mjaftonte
nje telefonate per te vertetuar genjeshtren e mesazhit qe ju ka ardhur, por po
ju bejme me dije pak te dhena, sa per te mos u turperuar ne ndonje mesazh
tjeter te ngjashem, qe do nxitoni ta publikoni:
1. Materiali plases nuk mbahet ne makina si cante dore
2. Asnje makine e IKMT nuk vepron pa urdher dhe naten
3. Materiali plases nuk plas vete
Keto nga ana teknike. Per gjithcka tjeter, nuk i lutemi Zotit t’ju fale se nuk
dini se ç’beni, sepse ne fakt ju e dini mire se c’beni. Lutemi qe dalldia juaj
te marre fund, sepse nuk ia urojme askujt katandisjen tuaj.