Kush është pretendenti kryesor për të fituar “Topin e Artë”

Kristiano Ronaldo është sërish favoriti kryesor për të fituar Topin e Artë. Siç raporton gazeta spanjolle “Marca”, sulmuesi i Juves është në “pole position” për të fituar për herë të gjashtë këtë trofe personal. Ndërkohë, pas tij renditen Mbape, Sadio Mane apo edhe Van Dajk nga Liverpuli. Kandidatura e Ronaldos mbështet fort tek statistikat e sezonit të kaluar, edhe pse nuk e fitoi Champions League. Sidoqoftë, në fund portugezi ia doli të ngrejë trofeun e Ligës së Kombeve.
Mbajtësi aktual i Topit të Artë, është kroati Luka Modriç, ndërsa nëse Ronaldo e fiton sërish këtë trofe, do të kalonte Lionel Mesin. “Pleshti” dhe Ronaldo, për momentin janë ndalur në kuotën e barabartë të 5 Topave të Artë.