Deputeti i opozitës së re Kujtim Gjuzi gjatë fjalës së tij në Kuvend paralajmëroi deputetin socialist Arben Ahmetajn se nuk duhet ta merrte për të thjeshtë opozitën e re.
Nga foltorja e Kuvendit, Gjuzi i tha ish-ministrit të Financave se deputetët e opozitës nuk ishin aq të lehtë se sa dukeshin.
“Arben, ne nuk jemi opozita e rrugës. Ne kemi qenë opozitë që në kohën që na kanë vrarë ata të tjerët, pararendësit tuaj. Mos na vrit me fjalë këtu se nuk jemi aq të lehtë sa dukemi. Okej Arben? Po ta them këtë me dashamirësi sot, mundohu ta fiksosh dhe të jesh në rregull me ne të tjerët,“- tha Gjuzi.