Mbrëmjen e djeshme, Durrësi ishte kryeqendra e bukurisë, pasi u zhvillua për 15-tën herë, eventit unikal “Miss & Mister Turizmi”.
Vajzat e bukura, elegante dhe djem të hijshëm, shpalosën në skenën e teatrit “Aleksandër Moisiu”, magjinë e bukurisë shqiptare.
Në skenën e teatrit u ngjitën edhe disa nga artisët më të preferuar të kohës, si: Olta Boka, Erik Lloshi etj. që ndezën sallën me këngët e interpretimet e tyre.
Juria këtë vit kishte si kryetare, deputeten e Kuvendit të Shqipërisë, Artemis Dralo, ndërsa si anëtare të jurisë ishte edhe kryetarja e zgjedhur e Bashkisë së Durrësit, Valbona Sako, po ashtu dhe personalitete të ndryshme.
- Miss Turizmi – Franceska Rustemi, 16 vjeçe, nga Durrësi
- Mister Turizmi – Albi Papa, 18 vjeç, nga Tirana
- Miss Plazhi – Olivia Golja, 17 vjeç, nga Shijaku
- Mister Plazhi – Emilian Hasa, 18 vjeç nga Dibra
- Sirena e Detit – Dajana Ponari, 17 vjeç, nga Durrësi
- Princi i Kaltër – Orges Duka, 18 vjeç, nga Durrësi
“Luga e Argjendë” iu dha për herë të parë në votë, Orges Dukës.
Çmimin e parë të Miss Turizmit e dorëzoi Valbona Sako, ndërsa kryetarja e jurisë, Artemis Dralo, dorëzoi çmimin Mister Turizmi.
Kjo magji e bukurisë, nuk do ishte i mundur nëse nuk do ishte pasioni dhe këmbëngulja e producentes së evenimentit, Myzejen Konduri.
Producentja Konduri, theksoi se projekti nuk mbeti iluzion me gjithë pengesat që pati, por bashkë me stafin profesional e konkurrentët e mrekullueshëm, vendosën vetë fatin e kësaj gare bukurie që nuk la në harresë trashëgiminë kulturore.
