Pasi lajmëroi dorëheqjen e tij si kryeministër për t’u marrë në pyetje në Hagë, Ramush Haradinaj pritet të dorëzojë sot formalisht detyrën para presidentit Hashim Thaçi.
Ai njoftoi largimin në mbledhjen e qeverisë të premten, ndërsa letrën zyrtare e dorëzon këtë të hënë para kreut të shtetit të Kosovës.
Dorëheqja erdhi pas një ftese nga Dhomat e Specializuara të Gjykatës Speciale, në të cilën kreu i AAK-së tha se do të paraqitet si qytetar i thjeshtë e jo si kryeministër sepse do të ishte e rëndë për vendin.
Ndryshe, pas dorëheqjes së Haradinajt pati reagime të shumta, ndërsa partitë politike tashmë kanë sytë nga presidenti për datën e re të zgjedhjeve.
Haradinaj po ashtu në vitin 2004, pati dhënë dorëheqje nga pozita e kryeministrit me të marrë ftesën nga Gjykata e Hagës.