Reçeli i fikut, nuk mungon kurrë nga kuzhina shqiptare, pasi fiqtë janë tepër të shijshëm, të ëmbël dhe të pasur me vlera shëndetësore nga më të mirat.
Për të përgatitur reçel fiku, para se të nisni punën provoni një fik dhe nëse është shumë i ëmbël, atëherë reduktoni sasinë e sheqerit.
Përbërësit:
2 kg fiq, 1.6 kg sheqer, 400 ml ujë, gjysmë limoni
Përgatitja:
1. Në fillim i lajmë mirë fiqtë, i presim në katër pjesë.
2. Shtoni ujin dhe sheqerin në një tenxhere. E vendosni në zjarr të ngadaltë dhe prisni derisa sheqeri të tretet. Më pas hidhni fiqtë.
3. Mbuloni enën me kapak dhe e lini në zjarr mesatar për rreth 40 minuta.
4. Pas kësaj largoni enën nga soba dhe e lini reçelin të ftohet për 4 orë.
5. Rivendoseni enën në sobë pas 4 orësh dhe e lini sërish për rreth 1 orë.
6. Hidhni lëngun e gjysmë limoni para se ta largoni nga nxehtësia enën, në mënyrë që reçeli të mos sheqeroset.
Gjithçka është gati për tu shijuar!