Një 34-vjeçar, baba i tre fëmijëve, i ka dhënë fund jetës pas pamundësisë për të marrë përkrahje financiare. Ngjarja ndodhi në Britaninë e Madhe, ku 34-vjeçari Filip Heron kishte hyrë 20 mijë sterlina në borxh për të larë qiranë e për të rritur fëmijët, pasi kishte mbetur për disa kohë pa punë.
Para se të vetëvritej, 34-vjeçari Filip Heron postoi në rrjetet shoqërore një foto të tijën duke qarë në makinë.
Prindërit nuk e dinin për borxhin dhe e morën vesh vetëm pas vetëvrasjes. Ai kishte aplikuar për kredi të butë që të lante borxhet, me 1% interes, por pasi ishin shteruar të gjitha mundësitë dhe kishte mbetur me vetëm 4.61 sterlina në bankë, babai kishte ndërmarrë hapin fatal.