Kryeministri Edi Rama, në ditën kur opozita bllokoi rrugët, zgjodhi për të përuruar përfundimin e inaugurimit të parkut të Apollonisë.
Më pas, ai bashkë me disa fermerë kanë drekuar në një shtëpi në Vlorë.
Nga aty, Rama u shpreh se fenomeni i hashashit ishte përhapur nga opozita, duke shtuar se ata i zuri droga vetëm duke përmendura këtë fjalë.
“Hashash e hashash, fol e u dehën fare , u bënë tapë ata të çadrës. Përfitojnë nga thashethemet e mëdha. Ishte shqetësuar dhe Ben Blushi për bletët, që është dhe njeri i lexuar, ai njeh grenxat. Ta kam fjalën që vijnë nga thashethemet. Kishte nxjerr Saliu trenin me skrap, dhe ja mbeturinat kalojnë, turp, vetëm gënje e shpif, duke përfituar nga mërzia e njerëzve.
Nuk ke pse ikën në momentin kur duhet të votohet Vettingu. Saliu nuk di të ndërtojë, vetëm prishë di. Nuk pastrohej Tirana, plehra gjithandej. Nuk e kanë sensin e shtetit, janë tamam tokë e xaxun,” tha Rama.