Aktorët e Teatrit Kombëtar, Julian Deda dhe Gentian Zenelaj prej vitesh, për shkak të një konflikti, i kishin ndërprerë marrëdhëniet me njëri-tjetrin. Madje mëria mes aktorëve kishte shkuar aq sa ata as nuk komunikonin më bashkë.
Por në një video për FaxNews të dy aktorët janë bërë bashkë në mbështetje të kauzës së Teatrit Kombëtar. Ata shfaqen duke u përleshur me policinë e duke tentuar të thyejnë kordonin e Policisë vetëm për të çuar ujë artistëve të ngujuar brenda teatrit që nga mëngjesi i ditës së sotme.