Martesa, më pas lajmi i shtatzënisë dhe prej pak ditësh një tjetër lajm i lumtur për këngëtaren Rona Nishliu. Ajo bën të ditur se 19 korriku është ditë e bekuar për të teksa është bërë nënë për herë të parë.
Duke mbajtur në krahë vajzën që ia ka vënë emrin Noa, Rona shkruan: “Ndjenja më përmbushëse dhe më kuptimplotë deri më sot! Më 19.07.2019, në duart tona erdhi Noa. Gjithë këto ditë nuk po gjej fjalët e duhura që të shpreh gëzimin tim për bekimin më të rëndësishëm në jetë. Për shërbimin plot përkushtim, dashuri dhe njerëzor, dua të falënderoj Spitalin Amerikan Prishtinë dhe në veçanti Dr. Göksu Göç, i cili bashkë me ekipin e tij kanë bërë gjithçka që unë dhe Noa t’ia dalim. Ju falenderoj të gjithëve për urimet, kujdesin dhe dashurinë”
Në foton e postuar në Instagram Rona shfaqet me të voglën në krahë dhe përkrahë bashkëshortit e doktorit që asistoi në lindjen e Noas.