Postime të papritura të Bebe Rexhës na bën të mendojmë se ajo është martuar, ose pamjet janë pjesë e një videkolipi.
Vetë Bebe ende nuk ka bërë të ditur çfarë po ndodh po ajo shfaqet e mahnitshme me fustanin e bardhë të nusërisë.
“Dita më e bukur e jetës time! M’u desh ta mbaja super private. Më shumë foto dhe video së shpejti. Ju dua të gjithëve!”- shkruante këngëtarja në videon që ngriti dyshime të mëdha.
Teksa rrjeti po ziente nga ky lajm, Bebe vazhdoi ta shtonte edhe më shumë kureshtjen e të gjithëve, duke treguar në Instastory momente nga dasma e fshehtë, e cila mesa duket është mbajtur më datën 12 të këtij muaji.
Në njërin prej postimeve, ajo publikon mashkullin bukurosh që i ka vjedhur zemrën, mirëpo nuk na e ka treguar emrin e tij.
“Ai do të më vrasë, por më fal zemër, m’u desh ta bëja.”-shkruan këngëtarja në foton e publikuar krah një djali të veshur si dhëndër. Epo, presim që Bebe të na e sqarojë në ditët në vijim nëse është martuar vërtetë, apo ka qenë duke xhiruar një klip.