Kreu i grupit parlamentar të PS Gramoz Ruçi, është shprehur në mbledhjen e grupit të selisë rozë se maxhoranca është në pritje të opozitës për zgjedhjen e Presidentit të ri.
Ruçi ka paralajmëruar se edhe raundi i tretë që do të zhvillohet të enjten mund të digjet nëse opozita nuk do të bëhet pjesë e procesit.
“Seanca e së enjtes do të jetë e ndarë në dy pjesë, ligjet dhe seanca për Presidentin. Përsa i përket zgjedhjes së Presidentit, jemi në pritje të negociatave të nesërme me zyrtaret europianë. Në rast se opozita nuk bëhet pjesë e procesit, edhe këtë të enjte pritet të mos këtë emër, duke djegur raundin e tretë” tha Ruçi në mbledhjen e grupit te PS.
Këtë javë pritet të ketë zhvillime të reja politike pasi në Tiranë do të vijnë përfaqësuesit e Parlamentit Europian dhe ndërmjetësuesi McAllister I CDU0së së Merkel. /TiranaNews/