Regjisori Edmond Budina i ftuar në emisionin “Kjo javë” në “News 24” tha se është dhunuar brutalisht dhe dhuna ndaj tij ishte ushtruar kur nuk kishte kamera.
“Kam qenë në vitin 1991 në protesta dhe ka pasur letra kërcënimi, por askush nuk ka vënë dorë.
Sido të ishte, dorë nuk ka vënë njeri.
Për çdonjërin nga ne ishin 3-4 policë. A thua se ne ishim trafikant droge, a ishim ata që merren me Toyota Yaris, ata që vjedhin paratë publike.
Policët ndoqën në fakt një metodë të sofistikuar. Ne ishim 40 vetë gati, ndërsa ata ishin afër 200. Ishim shumë më pak.
Ata përfituan se nuk kishte kamera dhe më goditën. Edhe gratë i kapën e i hodhën këtej sikur të ishin lecka.
E gjitha kjo nuk u kap nga kamerat. Të të marrin në atë formë është e tmerrshme. Jam tronditur tej mase”, tha Budina.
Edhe pse ka pasur 40 veta, kur sipas Budinës e kanë rrahur, askush prej tyre nuk ka bërë ndonjë regjistrim me telefon.