Kryeministri Edi Rama e ka nisur ditën e sotme me një video ku ndodhet në një biznes të vogël e tregon ndikimin që ka në të e në bizneset e këtij lloji ulja trefish e taksave.
Kreu i ekzekutivit cilëson se fjalët të cilat hedhin poshtë influencën pozitive vijnë vetëm përmes atyre personave që zgjedhin të ankohen e qëndrojnë nëpër kafene, e jo të punojnë.
“MIRËMËNGJES! Dhe me një tjetër bisedë për uljen trefish të taksave për biznesin e respektuar të shumë njerëzve të zakonshëm të këtij vendi, që njësoj si kjo familje, nuk rrinë duke u ankuar e mallkuar në fejsbuk e në kafene, po krijojnë punë e vende pune dhe rrisin të ardhurat përmes punës, ju uroj një ditë të mbarë”, shkruan Rama.