Në karrierën e tij, Kristiano Ronaldo ka lënë pas shumë sezone të shkëlqyera, ku ka shënuar një mori me gola. Edhe pse në vitin e tij të parë te Juventusi nuk arriti të shpallej golashënuesi i Serisë A, sërish portugezi mendon se ky që la pas ishte sezonin e tij më i mirë në karrierë.
Gjatë ceremonisë në Madrid, ku u vlerësuar me çmimin ‘Marca Leyenda’, ndërsa ishte një titull mirënjohje duke pasur parasysh se CR7 ka triumfuar në Angli, Spanjë dhe Itali, portugezi ndër të tjera shtoi se këtë sezon do të provojnë sërish me bardhezinjtë për të fituar Champions League. “ Nuk ishte e lehtë të transferoheshe në një kampionat tjetër, në Serie A, me shokë të rinj në moshën 33-vjeçare. Për këtë mendoj se kisha sezonin tim më të mirë. Me Juventusin fitova kampionatin, Superkupën dhe më pas me Portugalinë, Ligën e Kombeve. Tre trofe në vetëm një vit.
Për Champions-in do të provojmë sërish. E dimë që është një kompeticioni i vështirë, Juventusi është aty por edhe skuadrat e tjera duan ta fitojnë, Real Madrid, Siti, Barcelona. Vetëm njëra mund t’ia dalë, shpresoj të jetë Juventusi”, tha Ronaldo.