Lady Gaga, kohët e fundit është në qendër të vëmendjes nga mediat rozë, për shkak të dyshimeve për një romancë të mundshme me Bradley Cooper. Por ja që këngëtarja vetë i hedh poshtë këto thashetheme me anë një fotografie.
Këngëtarja e njohur 33-vjeçare u fotografua në Los Angeles me Dan Horton, 37 vjeç, një inxhinier zëri dhe në fotot e publikuara ekskluzivisht nga American People, çifti shfaqen duke u puthur gjatë një drekë në restorantin Granville në Studio City.
Një seri dëshmitarësh zbuluan për revistën amerikane se Gaga dhe inxhinieri duket se “janë më shumë se miq”. Njëri nga kamerierët shtoi se këngëtarja nuk pranoi të bënte selfie me fansat por dukej se ishte në humor të mirë dhe nuk bëri asgjë për të fshehur flirtin e ri.
“Ata zgjodhën një tryezë përballë trotuarit dhe jo një të fshehur. Biseduan afër e afër për rreth një orë. Ajo dukej shumë e lumtur”, sipas burimeve.
