Policia koreane po heton Cristiano Ronaldon nëse ka shkelur ligjin duke prishur kontratën e tij, për mos paraqitjen në miqësoren mes yjeve të ligës vendase dhe Juventusit.
Një avokat i LKB Partners, ka paraqitur një kallëzim penal kundër Cristiano Ronaldos dhe ekipit të tij, Juventus, si dhe kundër “The Fasta”, agjencisë që organizojë këtë ndeshje.
Tifozët e Koresë së Jugut, janë të zhgënjyer që kanë paguar bileta për të parë Ronaldon, të cilin nuk arritën ta shohin duke luajtur.
Ata po ashtu kanë ngritur padi duke kërkuar kompensim nga “The Fasta”.
Edhe nëse dyshohet për mashtrim të qëllimshëm, Ronaldo nuk do të udhëtojë në Korenë e Jugut për t’u marrë në pyetje.