Rikthehen në modë tonet natyrale të ngjyrës së flokëve, Eneda Tarifa nuk i shpëton trendit

Ishim mësuar ta shihnim bjonde, por Eneda Tarifa duket se ka vendosur t’i rikthehet ngjyrës së saj natyrale. Këngëtarja shqiptare ndau me ndjekësit e saj disa foto ku zbuloi dhe ndryshimin që kishte bërë në pamje, duke u kthyer plotësisht, nga një bionde që ishim mësuar t’a shihnim prej kohësh tashmë, në brune. “Rikthim në natyrale. Kjo është ngjyra ime, ‘si mi ka bërë mami’”, ka shkruar ajo krahas fotos ku shfaqej pa asnjë pikë grimi në fytyrë. Eneda ka eksperimentuar disa herë me flokët e saj, pasi vetëm pak kohë më parë ajo i shtoi flokëve një ngjyrë xhinxher, duke mbajtur majat në ngjyrë të verdhë. Tarifa është shumë aktive në rrjete sociale dhe ndan gjithmonë detaje të pamjes së saj me ndjekësit dhe mesa duket ndryshimi i fundit është pritur shumë mirë nga të gjithë.