Gjatë ditës së djeshme është zhvilluar një debat në distancë, midis ish-futbollistit të kombëtares Andi Lila dhe zv.kryeministrit Erion Braçe. Gjithçka ka nisur pas një replike të Lilës kundër Erion Braçes për situatën e futbollit shqiptar në vend.
Në postin e Braçes, drejtuar Andi Lilës kanë qenë të shumtë komentuesit të cilët e fajësonin zv.kryeministrin për situatën e sportit në vend.
Një prej tyre ka qenë dhe futbollisti i moshave të Elbasanit, Antonio Gjyla i cili në komentin e vet shprehu indinjatën për situatën e sportit shqiptar. Edhe pse lojtari në një moshë më të vogël nga zv.kryeministri, ky i fundit nuk i ka kursyer komentet dhe kundër tij, duke kaluar dhe në ofendime dhe kërcënime të tipit: “Idiot”, “vij e ta tregoj une ty”.