Elton Arbana kryebashkiaku i ri i Shijakut në javën e parë pas marrjes së detyrës ka përveshur mëngët duke iu bashkuar pastrimit të rrugëve dhe varrezave të qytetit.
Puna e parë me të cilën ai ka nisur mandatin e tij katër vjeçar është mirëmbajtja e hapësirave publike.
Aksioni filloi me pastrimin e varrezave dhe më pas vijoi me pastrimin e rrugëve, trotuareve.
Kryebashkiaku Elton Arbana ishte vetë i pranishëm në këtë fushatë pastrimi dhe sensibilizimi së bashku me grupin e punës.
