Zv.Ministri i Mbrojtjes Petro Koçi deklaron se përçarësit e së majtës po përpiqen pa sukse të bëjnë diversion ndaj qeverisë për vlerësimin politik të Luftës Antifashiste Nacionalçlirimtare.
“Përçarësit e së majtës po përpiqen të bëjnë diversion ndaj qeverisë lidhur me vlerësimin politik të LANÇ duke interpretuar sipas oreksit një konferencë kombëtare të ASH!
ASH le të përgjigjet vetë për sulmet mbi të!
Por LANÇ-in dhe partizanët nuk i njollos dot askush!
LANÇ ishte një përcaktim politik dhe ushtarak i Shqipërisë në krahun e duhur gjatë Luftës II Botërore.
Mbetet jo vetëm një vlerë kombëtare madhështore, por edhe një kontribut ndërkombëtar domethënës dhe i respektuar për të vulosur fitoren mbi fashizmin.
Po të qe për Ballin Kombëtar dhe bashkëpunëtorët e tjerë të fashizmit Shqipëria do përfundonte si humbesë e luftës dhe fati i trojeve të humbësve të luftës ishte tjetërsimi.
Jemi krenare për mençurinë, sakrificën dhe përkushtimin ushtarak të partizanëve të LANÇ dhe të popullit tonë antifashist!
Qeveria nuk bën asnjë hap prapa në këto përcaktime!
Vetëm para pak ditësh qeveria kaloi projektligjin që përcakton 20 Korrikun si Ditën e Veteranit.
Ndërsa ligji i ri ‘Për Statusin e Dëshmorit të Atdheut’ i jep një përgjigje kontekstit të pinjollëve të kolaboracionizmit për numrin e dëshmorëve dhe humbjet njerëzore të Shqipërisë në Luftën e II Botërore.
Veteranët e LANÇ nuk e hanë sapunin presidencial për djathë!
Ne e kemi mundur fashizmin e viteve të luftës!
Ne e kemi mundur e do ta mundim sërish edhe fashizmin pedeist dhe bashkëpunëtorët e tij “të majtë!”, reagon Koçi.