Kryeministri i Shqipërisë, Edi Rama, ka dhënë një intervistë për median prestigjioze europiane, Euroneës, duke theksuar rolin e Këshillit Europian për integrimin e Ballkanit Perëndimor në BE.
Sipas kryeministrit Rama, Këshilli nuk bazohet shumë në atë se çfarë veprash bëjnë qeveritë e vendeve si Shqipëria, por në situatat dhe dinamikat e politikave të brendshme të shteteve anëtare të BE.
‘Ne duhet të përballemi me atë që gjithnjë e më shumë vendimmarrja e Këshillit të Europës nuk bazohet në atë që ne bëjmë, në ato që bëjnë vendet si ne, por në situatën e brendshme ose dinamikën e brendshme politike në shtete të ndryshme anëtare’ tha për Euronews kryeministri Rama.
Një vëzhgimi i ri tregoi se opinioni publik evropian ishte kundër kur bëhet fjalë për zgjerimin e BE dhe futjen e fqinjëve të rinj në Union, për shkak të frikës nga dyndjet e emigracionit të huaj, të cilët janë rritur që prej Bullgaria, Rumania dhe Kroacia iu bashkuan BE-së.
Përtej opinionit publik, ka ende shumë pengesa për tu kapërcyer përpara se vende të reja të mund të bëhen pjesë e BE.
‘Ka zona ku institucioni shqiptar në tërësi duhet të vazhdojë të punojnë. Lufta kundër korrupsionit është një luftë e përditshme, po ashtu lufta kundër krimit të organizuar të cilin trafiku i drogës po ia ndryshon lëkurën’, tha për Euroneës Ambasadori i Bashkimit Evropian në Shqipëri, Luigi Soreca.
Edhe pse me shumë pengesa, anëtarësimi në Evropë mbetet një hap i rëndësishëm për Shqipërinë, pikë për të cilën kryeministri Edi Rama theksoi: ‘Për ne, Evropa nuk është thjesht një proces burokratik, ose nuk është thjesht një bashkim i vendeve të zhvilluara që dëshirojmë, shpresojmë ose ëndërrojmë të bashkohemi. Evropa është ajo që ishte për baballarët themelues, para së gjithash një projekt i paqes dhe bashkëpunimit’.
Kjo është një pikëpamje që mund të zbehet shpejt nëse Evropa nuk i hap dyert e saj për Ballkanin Perëndimor.