“M’ke harru” është suksesi i radhës i Ledri Vulës dhe Ermal Fejzullahut pas suksesit të arritur me bashkëpunimin e tyre “Fshatarja ime”, një remake e këngës së babait të Ermalit, Sabri Fejzullahu.
Dy djemtë i këndojnë dashurisë së kaluar, duke shprehur mallin e tyre.
Mirëpo, e dinit që në shkrimin e tekstit plot ndjenjë të këngës ka kontribuar edhe mamaja e Ledrit, Xheraldina?
Mesa duket, Ledri e ka marrë nga mamaja e tij talentin për të shkruar dhe së bashku kanë sjellë një tekst mjaft të mirë, që ka bërë menjëherë për vete fansat.
Kjo nuk është hera e parë që e shohim mamanë e Ledrit të shkruajë tekste, pasi vazhdimisht reperi publikon në profilin e tij në Instagram foto të bisedave me mamanë, ku sfidojnë njëri-tjetrin në rep.