Presidenti i Republikës Ilir Meta ka kthyer për rishqyrtim në Kuvend edhe ligjin për Akademinë e Shkencave.
Sipas Presidentit, ligji për Akademinë e Shkencave bie ndesh me parashikimet e Kushtetutës së Republikës së Shqipërisë, cenon autonominë e institucioneve të arsimit të lartë dhe cenon kompetencat e Presidentit të Republikës.
Po ashtu Presidenti argumenton se ky ligj nuk është në harmoni me kuadrin ligjor ekzistues në Republikën e Shqipërisë.